Almaniyada iyul ayında illik inflyasiya iyundakı 2,3%-dən 3,8%-dək yüksəlib. Bu, 1993-cü ildən bəri ən yüksək göstəricidir.

Facemark Almaniyanın Federal Statistika İdarəsinin (Destatis) hesabatına istinadən bildirir ki, aylıq olaraq iyulda qiymətlərin artması iyundakı 0,4%-dən 0,9%-dək sürətlənib.

Bununla belə, son qiymətləndirməyə əsasən, Avropa İttifaqının standartlarına görə, Almaniyada istehlak qiymətləri (uyğunlaşdırılmış istehlakçı qiymətləri indeksi) iyul ayında illik 2,1%-dən 3,1%-dək, aylıq isə 0,5% artıb.