Avropa İttifaqı 2035-ci ildən yeni daxili yanma mühərrikli avtomobillərin istehsalını qadağan etmək üzrədir.

Facemark.az xarici mənbəyə istinadən xəbər verir ki, Avropa İttifaqı avtomobil istehsalçılarını və avtomobil həvəskarlarını narahat edən mühüm qərara imza atmaq üzrədir.
2035-ci ildən etibarən yeni daxili yanma mühərrikləri olan avtomobil və mikroavtobusların istehsalının qadağan edilməsini və 2030-cu ilə qədər istehsal olunacaq nəqliyyat vasitələrinin karbon emissiyalarını 2021-ci ilə nisbətən 50% azaltmağı hədəfləyən qanun layihəsi "AB" millət vəkilləri tərəfindən hazırlanıb. Avropa Şurası və "Avropa Parlamenti tərəfindən təsdiqləndiyi təqdirdə qüvvəyə minəcək qanunla avtomobil və nəqliyyatdan karbon emissiyaları əhəmiyyətli dərəcədə azalacaq.
Avropa Birliyinin bu qadağanı tətbiq etməsinin sektorda elektriklə işləyən avtomobillərin istehsalını sürətləndirəcəyi düşünülür.
Digər tərəfdən, bu qadağa qərarında bir istisna var. İldə 10 mindən az avtomobil və ya 22 mindən az mikroavtobus istehsal edən avtomobil şirkətlərindən 2030-cu ildən qüvvəyə minəcək karbon emissiyasının azaldılması qaydasına riayət etmək tələb olunmayacaq. Lakin 2035 qaydası bu şirkətlərə də aiddir.