Çinin texnologiya nəhəngi Baidu, OpenAI tərəfindən hazırlanmış ChatGPT-ə bənzər süni intellekt chatbotunu işə salmağı planlaşdırır.

Facemark.az xarici mənbəyə istinadən xəbər verir ki, şirkət süni intellektlə dəstəklənən chatbotunu mart ayında elan edəcək. Bloomberg-in məlumatına görə, Baidu artıq bir neçə ildir üzərində işlədiyi süni intellekt aləti olan Ernie sisteminin inkişafına böyük məbləğdə sərmayə qoyub və onun gələcək chatbotunun əsasını məhz bu sistem təşkil edəcək.

Kaliforniyada yerləşən OpenAI tərəfindən hazırlanmış ChatGPT chatbot texnologiyasını tamamilə yeni səviyyəyə qaldırır. Cəmi bir neçə ay əvvəl istifadəyə verilmiş bu alət böyük həcmdə veb məlumatlarından istifadə etməklə öyrədilmiş və insan rəyi əsasında hazırlanmışdır ki, bu da ona mətn formasında həm təbii, həm də yaradıcı şəkildə insan göstərişlərinə cavab vermək imkanı verir.

Kompüter nəhəngi Microsoft da bu yaxınlarda OpenAI-a 10 milyard dollar sərmayə qoydu ki, bu da bu süni intellekt alətlərini gücləndirən texnologiyanın nə qədər böyük olduğunu göstərir. Google-un əsas şirkəti Alphabet də Microsoft-un Bing-in axtarış sistemini gücləndirmək üçün ChatGPT-dən istifadə edə biləcəyindən ehtiyat edərək, rəqabət aparan sistemlərin inkişafına böyük sərmayə qoyur.