"ABŞ"ın çip sənayesinə tətbiq etdiyi məhdudiyyətlər və dünya iqtisadiyyatının yavaşlaması 2022-ci ildə Çinin çip idxalı və ixracının vahid əsasda azalmasına səbəb olub.

Facemark.az xarici mənbəyə istinadən xəbər verir ki, yanvar-oktyabr dövründə Çinin çip idxalı keçən ilin eyni dövrü ilə müqayisədə vahid bazda 13,2 faiz, ixracı isə 10,8 faiz azalıb. Çin keçən ilin ilk 10 ayında 528,9 milyard ədəd inteqral sxem idxal etdiyi halda, bu il idxal 458 milyard ədəd olaraq qalıb. İxrac isə ötən ilin ilk 10 ayında 258,2 milyard ədəddən bu il 230,4 milyard ədədə düşüb.

Dünyada çip qiymətlərinin artması səbəbindən kəmiyyət azalmasına baxmayaraq, pul dəyəri baxımından idxalın həcmi 1,3 faiz, ixracın həcmi isə 6,2 faiz artıb.