Test versiyasında tokenlə dəstəklənən çalğı siyahıları NFT sahiblərinə pul kisələrini platformaya qoşaraq öz musiqi seçimlərini dinləməyə imkan verir.
Facemark.az xarici mənbəyə istinadən xəbər verir ki, Spotify token ilə aktivləşdirilmiş çalğı siyahıları adlı yeni funksiya üzərində işləyir.
Bu xüsusiyyət hazırda Fluf , Moonbirds , Kingship və Overlord icmalarının token sahibləri üçün əlçatandır . Pleylist seçimləri 3 aylıq sınaq müddəti ərzində aktiv şəkildə yenilənəcək. Bununla belə, bu pleylistlər yalnız unikal keçid vasitəsilə icma üzvləri üçün əlçatan olacaq.
Web3 oyun və media startapı Overlord tvitində elan etdi ki, Creepz NFT sahibləri öz Web3 cüzdanlarını Spotify-a qoşmaqla layihə icması tərəfindən yaradılmış Invasion pleylistinə daxil ola biləcəklər.
Overlord ilə yanaşı, Universal Music Group-un NFT qrupu KINGSHIP də NFT sahibləri üçün tokenlə işləyən pleylist paylaşdı. Pleylistdə Queen, Missy Eliott, Snoop Dogg və Led Zeppelin-in trekləri var.
NFTX-in protokol inkişaf etdirmə lideri Apoorv Lathey, bu yeni funksiyanın necə işlədiyinə maraq göstərənlər üçün bəzi ekran görüntülərini paylaşdı. Bu görüntülərə görə, NFT sahibləri Spotify-a Metamask, Trust Wallet, Rainbow, Ledger Live və ya Zerion cüzdanları ilə qoşula bilərlər.
Pilot layihə kimi yerləşdirilən bu funksiya hazırda yalnız ABŞ, Böyük Britaniya, Almaniya, Avstraliya və Yeni Zelandiyada android istifadəçiləri üçün əlçatandır.
Spotify sözçüsü xüsusiyyət haqqında verdiyi açıqlamada, istifadəçi təcrübəsini yaxşılaşdırmaq üçün mütəmadi olaraq yeni funksiyaları sınaqdan keçirdiklərini, bu xüsusiyyətlərin bəzilərinin böyük bir istifadəçi bazası ilə qarşılaşdıqlarını, digərlərinin isə yalnız özlərinə vacib bir şey öyrətdiklərini söyləyib.
Bu kontekstdə xüsusiyyətin daha geniş bir istifadəçi bazası ilə qarşılaşıb-qovuşmayacağı hələ məlum deyil. Yenə də bu tokenlə işləyən çalğı siyahıları gələcəkdə Spotify-da sənətçilər üçün Web3-ə əsaslanan gəlir modellərinin yaradılması istiqamətində ilk addım ola bilər.
Qeyd edək ki, Spotify bu həftə OpenAI texnologiyasından istifadə edərək süni intellekt tərəfindən dəstəklənən "DJ" funksiyasını təqdim edib.
