“Google”un maliyyə nəticələri gözləniləni verə bilmədi. Şirkət, üçüncü rübdə xalis mənfəətinin  keçən ilin eyni dövrü  ilə müqayisədə 5,4% azalaraq 2 milyard 810 milyon dollara gerilədiyini açıqladı.

Şirkətin gəlirləri isə eyni dövrdə 20%-lik artımla, 16 milyard 520 milyon dollara çatıb. Şirkətin bir səhmə düşən xalis mənfəəti 6,35 dollar olub. “Google”da bir səhmə 6 dollar 55 cent dividend gözlənilirdi.

Şirkət keçən il eyni dövründə bir səhm üzrə 5,63 dollar xalis mənfəət əldə etmişdi. Kaliforniyada yerləşən “Google”un səhmlərinin qiyməti  2.5% ucuzlaşıb. Bu ilin əvvəlindən bu yana  “Google”un səhmləri 4,5% aşağı düşüb.