Hər kəsin maraqla gözlədiyi ən yeni Apple məhsulu olan "Apple Watch"un, Tim Cookun təqdimatıyla birlikdə Aprel ayında təqdim edilməsi planlaşdırılır. Apple, təqdimatıyla birlikdə çox böyük bir sifariş dalğası gözlədiyi ağıllı saatı üçün ilk mərhələdə təxminən 6 milyon ədəd istehsal təlimatı verdi.

Şirkət tanıtdığı ilk "iPad" üçün də məhz bu qədər böyük rəqəmlə sifariş vermişdi. 2014-cü ilin May ayında nəşr olunan hesabata görə Android əsaslı ağıllı saatlar və geyilə bilən cihazların təxmini olaraq 720 min ədəd satıldığını nəzərə alsaq, Appleın ilk mərhələdə təxminən 6 milyon ədəd Apple Watch sifariş verməsi geyilə bilən cihazlar bazarında daşların yerindən oynayacağını göstərir.

Ağıllı saat "Watch", "Watch Sport" və "Watch Edition" olaraq 3 fərqli modellə satışa təqdim olunacaq. Watch Sportun 349 dollar satış qiymətiylə bazara təqdim edilməsi gözlənilir. 18 nizam qızıllı model olan "Watch Edition" isə ən bahalı model olacaq.