48-ci World Fest-Houston Beynəlxalq Film və Video Festivalında "3 Dost" animasiya reklam agentliyinin "Azersun" şirkətinin sifarişi ilə hazırladığı "Super Milky" animasiya reklam çarxı "Silver Remi Award" mükafatına layiq görülmüşdür. Proqrama film və video istehsalçıları üçün 200-dən çox kateqoriyalarda 12 əsas yarışlar daxildir. Lakin iştirak ərizələrinin belə çox sayda olmasına baxmayaraq, heç bir iş münsiflər tərəfindən kifayət qədər qiymətləndirilməmiş mükafat əldə etmir.

Belə ki, təqdim olunan işlərin yalnız beşdə biri mükafata layiq görülür. Hal-hazırda WorldFest - dünyanın ən yaşlı müstəqil film və video festivalı, San Fransisko və Nyu-York festivallarından sonra Şimali Amerikda üçüncü ən nüfuzlu festival hesab olunur. Festivalda mükafata layiq görülən, dünya şöhrəti qazanmış məhşurlardan Cohen qardaşlar, George Lucas, David Lynch, Paul Mazursky, Robert Rodriguez, Ridley Scott, Steven Spielberg, Oliver Stone və bir çox başqalarının adlarını qeyd etmək olar.

Festivalın web saytı: http://worldfest.org/
"Super Milky" reklam çarxının linki: https://www.youtube.com/watch?v=qr27zdGFHUg
Facebook səhifəmizin linki: https://www.facebook.com/3Dost.az/