Bir film yadıma düşdü. Mel Gibson çəkilib. Demək olar ki, hamı baxıb. Qadınlar nə istəyir...Mel Gibsonun qəhrəmanı yıxılır və dəyişiklik baş verir. Qeyri-adi gücə malik olur. Lakin məsələnin əsas tərəfi odur ki, həmin qeyri-adi bacarıq rəqabət üstünlüyü kimi necə istifadə edilir. Qadınların nə istədiyini bilərək nə edir.

Bəs müştərinin nə istədiyini necə müəyyən etmək olar. İlk öncə bu müştərinin aldığı və gözlədiyi şeylərin dəyəri ilə ola bilər. Bəs bu dəyər necə müəyyən ediləcək? Bundan ötrü CVM-dən (Customer Value Management) istifadə etmək lazımdır. Həmçinin belə bir abviatura var: CTQ. Critical to Quality –həqiqi və ya ehtimal olunan keyfiyyətə birbaşa yəsir edə biləcək bütün çoxsaylı elementlərin məcmusu deməkdir. Bundan da yararlanmaq lazımdır. Çünki bu yalnız satışa və marketinqə deyil eyni zamanda bütövlükdə biznesə aid olan bir sahədir. Və CTQ tree-nin idarə edilməsi gələcək inkişafın da səbəbi ola bilər.

Əgər sözügedən filmi diqqətlə izləsək, bu nəticəyə gələrik ki, bilmək çox vacibdir. İnformasiyaya malik olmaqla çox şey etmək olar. CTQ isə biznesi daha asan edir və müştərinin nə istədiyini bilməyə imkan verir. CTQ barədə ən maraqlı məqam odur ki, onun vasitəsi ilə müştərini bir qurum, təşkilat kimi anlamaq mümkün olur. Və hər kəsi ayrılıqda anlamağa imkan olur.

Müştırinin nə istədiyinə gəldikdə isə oxuduğum yazı ilə demək olar ki, eyni nəticə çıxarıram: müştəri bazardan daima mükəmməllləşmə istəyir. Çünki tək özü yox elə onun ətrafında hər şey dəyişikliyə məhkumdur. Heç kəs də, pislik istəmədiyindən yaxşı şey istəyəcək. Yaxşı istiqamətdə dəyişiklik isə mükəmməlləşmədir. Bu qədər. Düşünürəm ki, maraqlandıra bildim...