“Brand Week Istanbul” bütün həyəcanı ilə davam edir. İlk günün paralel salonlarında bir-birindən fərqli gündəm mövzularından bəhs edilib. Böhran dövründə marketinqdən, dijital dövrdə təsirli marketinqə qədər bir çox mövzu spikerlər tərəfindən müzakirəyə çıxarılıb. “Brand Week Istanbul”un ilk günündə əsas səhnədən kənar, bir çox maraqlı seanslar da mövcud idi.

“Master Hall” səhnəsinin ilk spikerləri, “Fordham Universitet”inin marketinq professor Lerzan Aksoy və “St. John Universitet”inin marketinq professor Timothy Keininghama aid idi. Onlar “Böyümək hər bir CEO-nun hədəfidir. Böyüməyin bu qədər çətin olmasının əsl səbəbi” başlıqlı təqdimatlarında “müştəri məmnuniyyəti” məsələsinə də fokuslanıblar. Keiningham, bazar payı və müştəri məmnuniyyəti arasındakı neqativ əlaqədən bəhs edərkən, “Bəs, niyə böyük markalar daha aşağı müştəri məmnuniyyəti yaradır?” sualına da aydınlıq gətirib. “Marka böyüdükcə, əhatə etdiyi kütlə də böyüyür və hər kəsə istədiyini verməməyə başlayır”.

Keiningham çıxışı zamanı deyib ki, ABŞ-da ən mənfəətli şirkətlər sevilməyənlərdir. O, çıxışına müştəri sədaqəti ilə bağlı bir həqiqəti də paylaşıb: “Ən pis dövrlərinizdə də sizinlə qalan müştəriləriniz sizi doğrudan da sevənlərdir, gedənlər deyil”.

Aksoy isə səhnədə çıxışına başlayan zaman isə “cüzdan payı qaydasın”dan bəhs edib. Aksoy, “Credit Union” əməkdaşlıqda bankın müştəri məmnuniyyəti ilə paralellik içində olan ən yüksək parametrinin, müştəri şikayətlərinə həll yolu tapmaq olduğunu qeyd edib. Burada “cüzdan pay”ı almağın ən önəmli yolu, müştərinin rəqiblərə yönəlmə ehtiyacını aradan qaldırmaqdır.

Böhran dövründə marketinq

Konfransın digər panelində isə, Coca-Cola Türkiyə, Orta Asiya, Qafqaz ölkələri üzrə marketinq direktoru Aylin Kosova Bilgin və Unilever Türkiyə Gözəllik və Şəxsi qulluq kateqoriyasından məsul marketinq direktoru Alper Eroğlunun, Elizi Konsaltinqin təsisçici tərəfdaşı Nükhet Vardar moderatorluğunda böhran dövründə doğru marketinq həmlələrinin aparılması yollarından danışılıb. Paneldə qeyd olundu ki, mənbələrin azlığı marka və şirkətləri yaradıcı düşünməyə sövq edir. Onlar bazarda hər kəsin səssiz olduğu dövrdə səs gətirən işlərə imza ata, böhranı fürsətə çevirə bilərlər. Bunu etmək mümkündür.

Bilgin, qeyd edib ki, böhran dövründə onsuz da müştəri onlayn şəkildə yaşayır və alıcıya böhranın olması maraqlı deyil. O, deyib ki, 2001-ci ildə “Coca-Cola Türkiye” Dünya Çempionatına gedən yolda Türkiyənin yanında idi və şirkət sözün əsl mənasında “ürəyə investisiya” etmişdi: “Nəticədə, biz bazarda liderlik əldə etdik. O gündən bu günə qədər də bu belə davam edir”. Ənənəvi marketinqin ən təsirli yollarını bu günün dijital dünyasına uyğunlaşdırmaq məsələsindən isə adam&eveDDB Head of Effectiveness Les Binet danışıb.

Onun çıxışının mövzusu “Təsirli marketinqi dijital dövrə uyğunlaşdırmaq” idi. Binet bildirib ki, marketinqin əsas qaydaları dəyişməyib: “Markalar marketinq kommunikasiyasına investisiya etməli və müştəriləri ilə bağ yaratmalıdırlar”. O, hər kəsə xatırladıb ki, bu gün ənənəvi marketinq ilə dijital marketinq sinerji içərisində olduqda uğur qaçılmazdır. Digər panelin mövzusu da böhran dövründə marketinqdən istifadənin incəlikləri olub.

“Groningen Universitet”inin marketinq bölümü Doç. Dr. Maarteen Gijsenbergin “İqtisadi böhrandan güc alaraq çıxmaq” başlıqlı mövzusu üzərində çıxış edib. O, markaların əməl etməli olduğu 6 strategiyadan bəhs edib:

- Müştəri ilə təmas qurun. Müştərini başa düşmək və dəyər yaratmaq istəyirsinizsə, bunun ən sadə yolu müştəri xidmətlərini yaxşılaşdırmaqdan keçir. Bununla müştərinin sizə bağlı qalmasını təmin edən sədaqət duyğusu və məmnuniyyəti artacaq.

- Reklamlarınıza qənaət etməyin. Marka və markanın imicinin yüksəlməsi üçün investisiya yatırmağa davam edin. Bu, müştəridə dəyər yaratmağın yollarından biridir.

- Məqbul qiymət siyasəti yeridin. Məhsullarınızın qiymətində artıma getməyin. Hətta, keyfiyyətli məhsulları endirimli qiymətlər ilə təklif edə bilərsiniz. Bu, strategiya bəlkə də sizə maddi cəhətdən bahalı başa gələcək, amma hələ də təsirli qalmağa davam edəcəkdir.

- İnnovasiyaya davam edin. Çünki rəqabətçi və müştərilər üçün arzu edilən bir marka olaraq qalmaq üçün davamlı olaraq yenilik etməyiniz şərtdir.

- Yeni bazarların axtarışında olun. Onlayn mağazalar, daxil omnichannel marketinq nümunələri müasir dövrdə coğrafi sərhədləri aşmaq məsələsində böyük fürsətlər təqdim edir. Məsələn, türk vətəndaşları qürurlu olmaları ilə tanınır. Dünyanın dörd bir yanında milyonlarla türk yaşayır. Türk firmaları, öz ölkələrindəki vətəndaşlarını hədəf alaraq, bu duyğulardan istifadə edə bilər.

- Proaktiv marketinq siyasəti yeridin. Möcüzənin baş verəcəyini gözləməyin. Siz hərəkət edin! Böhran dövründə şirkətlər təhlükənin baş verəcəyinə fokuslanmamalı, əksinə düşünməlidirlər ki, yaranmış iqtisadi vəziyyət onlar üçün fürsət ola bilər.

Mənbə: MediaCat